رجلا اخر

اكررها
فى حياتى رجلا اخر
ماذا الا تصدقنى ؟!
لماذا؟
تصورتنى مقبرة ليس لها زائر
فعلم كل روضة ولها طائر
فعلم يا من كنت او لم تكن
طيبة النفس لها اخر
تحبنى ؟؟؟!!!!!!!!!
ياليتك ما قلتها
فهذا حديث غابر
منذ متى اصبحت تهتم بى
منذ متى هذا العشق الغامر
تقول انى ساخسر
ترى من منا الخاسر !
قلى لماذا لا تصدقنى ؟!
نعم فى حياتى رجلا اخر
لو كنت انسان معى مرة
ما كان هذا الاخر
اعلم انها تجربى كانت
وترى من منا الخاسر؟

اشعر بالانتصار

اليوم تنادى قلبى ونسيت من قام بالفرار
تريد منى ان انسى الانهزام والانكسار
وانسى من اشعل فى قلبى النار
ونسيت انى وضعتك بقلبى رمز
وانت من قمت بدور الاحتقار
والاستهزاء والاستنكار
ونسيت اسمك المكتوب على باب الدار
وقلبك المرسوم على جزوع الاشجار
رغم كل هذا اذقتنى ذل المرار
واليوم
اقول .... لا .... بكل اصرار
اليوم اشعر بالانتصار
لا لعودة قلبك المنهار
قلبك هذا لا يعنينى
ولا هو الان حلمى المختار
اقولها لك اليوم
لا باصرار
اليوم اشعر بالانتصار

رمضان كريم

عَنْ أَبِي هُرَيْرَةَ رضي الله عنه قَالَ: قَالَ رَسُولُ اللَّهِ صلى الله عليه وسلم:

مَنْ صَامَ رَمَضَانَ إِيمَانًا وَاحْتِسَابًا غُفِرَ لَهُ مَا تَقَدَّمَ مِنْ ذَنْبِهِ

وعنه أيضاً أَنَّ رَسُولَ اللَّهِ صلى الله عليه وسلم قَالَ:

مَنْ قَامَ رَمَضَانَ إِيمَانًا وَاحْتِسَابًا غُفِرَ لَهُ مَا تَقَدَّمَ مِنْ ذَنْبِهِ وأخيراً

وعنه أيضاً قَالَ: قَالَ رَسُولُ اللَّهِ صلى الله عليه وسلم :

مَنْ يَقُمْ لَيْلَةَ الْقَدْرِ إِيمَانًا وَاحْتِسَابًا، غُفِرَ لَهُ مَا تَقَدَّمَ مِنْ ذَنْبِهِ

اللهم تقبل صيامنا وقيامنا

فلسفة حمار

عجبى عليك ......

عجبي عليك يا ابن أدم يا كبير الدار

قامت الدنيا ومقعتتش لما قالو حمار

هو اسمي شتيمه ولا جنسي ده عار

خلقني ربي وخلقك ومحدش فينا له خيار

وأنا مهما زاد الحمل فوقى صابر على المشوار

لا في يوم أقول إشمعنى أخويا وأخذ منه تار

ولا يوم ابص لرزق غيري وأطق منه وأغار

ولا ارفع في يوم عيني على جارتي وأصون الجار

ولا مهر أدفع لحمارتي وشبكه وسوار

ولا شقه أجمع في ثمنها ولا افرش دار

ولا مراتى حامل تتوحم على كافيار

ولا بنت تخرج عن طوعي وتجيبلى العار

ولا إبن يدمن ويهلوس ويقع وينهار

عايش في حالي ومتهني وليه أحتار ؟

بأكل وأشرب وأنهق وما فيش أسرار

وعندي ابن أدم يخدمني ليل ويا نهار

إن جعت يشتري برسيمي بأغلى الأسعار

وفي مرضي يفضل يعالجني ويدعي الستار

خادم أمين من غير راتب ولا حتى إيجار

وعرفت يا بن أدم .. من فينا الحمار

.............................................................................نجم

حنين جوايا

بقيت مجرد حنين جوايا
افتكرك اضحك
لكن ولا تفرق معايا
وسعات اقول دة حب وراح
وسعات اقول دة خيان تركلى الجراح
واكرهك واحقد عليك
لما افتكر ايامنا الحلوة
واقول منا كنت ملك اديك
واحزن وابكى على جرح سبتوا ليا
وسعات اتمنى نرجع تانى
نرجع لو حتى ثوانى
وفوق لنفسى .....
واقول لنفسى......
يانفسى انسى ....!!
دة كان دة كلوا
كلام اغانى
منكرش ان لسة جوايا الحنين
لكن اكون معاك
دة يبقى كلام مجانين
لانك مجرد حنين جوايا
افتكرك اضحك
لكن ولا تفرق معايا

دق الببان

دق الببان
والندم فى عيونوا بان
جاى دايب من الفراق
جاى عطشان للحنان
وبرغم ان روحى فية
وعمرى كلة بين اديه
معرفش انا ازاى ولية
قلتلوا نسيتك من زمان

مركبة غرقانة

مركبة غرقانة على شط البحيرة

لا المركبة خربانة

ولا البحيرة غريقة

كل الحكاية ....

كان فية حبيب مات فدا لغرامة

مات من كتر حنانة

مات من سكات

كان غاوى سفر وحكايات

وحبيبته ماتت

رغم النفس اللى داخل لصدرها وخارج هموم

كل يوم تعشق حبيبها اكترمن اى يوم

جابت المركبة غرقتها على البحيرة

اللى قدام بلكونتها

لجل تفتكر حبيبها

المركبة هى الحكاية .......

وكل يوم تيجى روح الحبيب

ترقد فى المركبة وتدندن

كان بحار حزين

كان حبيب مسكين

سافر سنين

لكن فى النهاية مات

ومات معاة كل الحكاية

ومات معاة معنى الحياة

منصحكش

منصحكش تهين دموعك ........ منصحكش

قلبي خيرتوا فى رجوعك ....... مختركش

حتى لو تعلن خضوعك ...... مسمعكش

بعد ما قررت ابيعك ....... منفعكش

منصحكش تهين دموعك ..... منصحكش

عمري مهنسى عزاب لياليك

قصدك يعنى بدمع عنيك

قلبي يرق ويرجع ليك

لا يا حبيبى

لا يا حبيبى ياريت تنساني

وشفلك قلب يحبك تاني

قلبي خلاص مبقاش وحداني

وبعد عنى

احسن ليا واحسن ليك

قلبي بجرحوا هيلعب بيك

سعيدة

فى يوم صحيت شاعر براحة وصفا
الهم زال الحزن راح واختفى
خدنى العجب وسالت روحى سؤال
هو انا مت ؟ .... ولا وصلت لفلسفة ؟
وعجبى !!!

صحيت من نوم نطرت الحزن من على جتتى

وعدلت ضهرت وقلت

يلعن ابوكى ياكسرتى

من انهردة راح انسى حزنى

وارسم لنفسى فرحتى

صحيح انا لسة وحيدة

لكنى حسة انى انهردة سعيدة

سئلت نفسى سؤال

لحد امتة هفضل مدة بوزى للحياة

مش جايز نفسها تضحكلى مستنية ابتسامة

الحمد لله

الهم زال الغمام

هعيش ضحكتى على وشى

حتى لو الدنيا ادتنى على وشى

وطلعلها لسانى وغظها

وراح اديها على بوزها

ادينى اهو عيشة سعيد

حتى وانا فى حياتى وحيدة

دعنى وارحل

دعنى وارحل

فانا مليئة بالهموم

ولا اقوى على العطاء

ماتطلبه

سهلا كان صعب كان

ايان كان

فانا لا اسطيع ان عطية لك

لا اسطيع ان اضع الكحل فى عيونى لانها اليوم تدمع

ولا اسطيع ان اضع احمر الشفاة لان شفاى تنزف

ولا اسطيع الرقص فظهرى اليوم مكسور

ماسوف اعطية لك هو البكاء والدماء

كل يوم الهث فى تلك الحياة

بلا هدف ..............

اتدرى شعور من يحيا بلاهدف

اجرى ولا احد يجرى ورائى

ولكن الرعب يدب بقلبى ؟؟؟

اصرح ولا صوت يصدر منى

فهل قد راح صوتى !!!

ابكى ولاسحاب بسماء عينى

فلا تمطر دموعا ولا دماء ...

انها ياصديقى الحياة

والزمن يجرى وراء عمرنا

ياخذ منة لحظة

ياخذ منة ساعة

ياخذ منة يوم

ياخذة كله ..........

ولا تملك حتى ان ترفض العطاء

لهذا ارفض عطائى لك

لانك سوف تضع حملا ثقيل على كتفى

حملا يجعلنى لا انام

واحاسب نفسى ليلا ونهار

تطلب صداقتى....

اقدرها لكن اعرف عدم وجودها بهذا الزمن

فلا تلومنى

تطلب حبى ...

حلم لايمكن تحقيقة يوما ان القلب قد مات

اذهب الية بالمقابر

تطلب ضحكتى ....

موجوة بوجهى دائما ولكنها زائفة رغم البريق الظاهر بعينى

لا تقول انى مخادعة

تطلب ان يتمايل جسدى من الحان تلك الحياة

فقد صلب على همومها ولا يسطيع الحركة

فقد مات

لا اسطيع ان ابلغك ماهى الماساة

فطلب منى الموت ............

هو الغاية التى اطمح لها الان

وهو الامكانية المتاحة الان

ساعدنى كى اصل الية سريعا

او ياعزيزى

دعنى وارحل

افضل لك

فهمومى ستغرقك فى بئر مظلم

انت فى غنا عنة

دعنى وارحل

فانا لا اقدر على العطاء

لية يخونك العيش والملح

لية يخونك العيش والملح ؟؟؟؟

محستش ولا يجى ميت مليون مرة

انك نفسك تقولها لحد

وانت نفسك تبكىوتلوموا

وترتمى فى حضن نفسك

من شدة كسرتك ادام نفسك

مش لاقى تفسير للى هو عملوا

وقتها بتحس ان كسرة الدانيا جواك

وان قلبك اتخلع من مكانوا

وتبكى ولو مبكتش

دموعك تنزل باردة على قلبك

وتحس انك محتاج تدفيها

بكدبة هو يكدبها عليك

ويقلك مكنش قصدى

ورغم كدة ميكدبش الكدبة دى

وقتها مبيبقاش جواك الا سؤال واحد

وتبقى هتموت وتعرف اجابتة

لية يخونك العيش والملح؟؟

لية تخون عشرتى ؟؟ل

ية تبقى قليل الاصل؟؟

وتبقى انانيى اوى كدة

وتقابل معملتى الحلوة واخلصى

بغدر ونكران

لية متحبش غير نفسك ؟؟

ولا فكرتش فيا لحظة واحدة

]ولا فكرتش فى اللى انا حسة دلوقتى

لية تدوس عليا اوى كدة

وتحسسنى انى كنت عاوز افضى البحر من المية

دانا كنت حاسس انا كل اللى بنا ميسواش كل كنوز الدانيا

وانت تيجى وترمى كل اللى بنا كدة

من غير اى اهتمام

لية يخونك العيش والملح؟؟

مفتكرتش ليا ولو حاجة عملتها حلوة فى حقك ؟؟

مفتكرتش مرة وقفت جمبك فى وقت شدة؟؟

مفتكرتش فى يوم قلت عنك كلمة حلو ؟؟

مفتكرتش يوم سئلت عنك ؟؟

لية يخونك العيش والملح ؟؟؟

دانت كنت عندى اوقات اهم من نفسى

ومشاكل هى مشكلى

وكنت افكر فى حل فيها اكتر مانت تفكر

وكان فرحك اهم عندى

واسعى ليك فى كل حاجة

وطلباتك عندى اوامر

حتى من غير مطلب كنت بعمل

جايز مكنتش بعمل كل حاجة

بس كنت حاسس بيك اوووووووووووى

وكنت بخاف عليك اوووووووووووى

وبحافظ على عشرتنا اوووى

وبعد دة كلوا

لية يخونك العيش والملح؟؟؟

وللى يصدمنى اكتر

ويحسسنى انى بجد هموت

انك تحس انك ولا عملت حاجة

ولما الومك

وعتب عليك

تقولى اللى انت فية دة

اوهام احلام سراب

كل واحد بدور على صالحة ومصلحتة

وحتى لو عنيا بكت قدامك

هلاقى قلبك حجر

مش هتحس قد اية انا مكسور

ومكسوف من نفسى اووووووى

انى قد كدة قدرتك

وانت ولا همك كل اللى بنا

اللى بنا دة اللى انا شيفة اكبر من الجبال

واللى انت شيفة شوية رمل وطيرهم الهوا

وقلبى دقاتوا تقف بجد

لما عنيا تسئلك لية

يخونك العيش والملح؟؟؟

وعنيك تجاوب

علشان انت عبيط

سازج

مغفل

محدش كدة انهردة

فووووووووووووووووووق لنفسك

الدانيا مش كدة

كل دة ممكن تحسوا فى اقل من لحظة

لكن يقصر عليك عمر بحالة

وتندم ندم عمرك على كل لحظة ادتهالوا

وتسئل نفسك ويجننك سوالك

لية يخونك العيش والملح ؟؟

وقتها قول لنفسك

انا مش مغفل

ولا سازج

انا عندى قلب بيحب الناس ويخلصلهم

ويخاف عليهم

اة خنى اخويا

وصحبى

وحبيبى

وصديقى

وكل اللى ليا

بس قلبى بقيلى

بكرة هلاقى اللى يعرف قيمتة ويحافظ علية

ولا عمرى تانى هقول لية يخونك العيش والملح؟؟؟

بس هخاف على قلبى ومديش الامان لحد

وهفكر نفسى كل لخظة وثانية

بسؤال اللى جننى كتير وخلانى فى الاخر

مغفل وسازج

لية يخونك العيش والملح؟؟؟؟

بـحـبـك يـابـويـا

موتك خلانى اخاف من كل حاجة رغم ان مكنش بنا قصة حب وكان دايما مبنا خلاف فى الرائ لكنة حسة انى مليش ضهر حسة بوحدة رغم اننا كنا بعاد جايز انا اللى كنت بعيدة او انت مش مهم انت وحشنى اوى دلوقتى بتمنى ترجع كل الحاجات الحلوة اللى كانت بنا وترجع بوستك على خدى وحضنك اللى كان بيحضنى مكنتش فكرة ان بعدك هيتعبنى كدة مكنش فكرة انك ممكن تودعنى بسرعة كدة مكنتش فكرة ان الموت جاجة صعبة اوى كدة حد كان تناقر ويناقر فيك ليل ونهار وفاجئة متلقيهوش معاك حتى صوتوا اختفى من الوجود اكتر حاجة بفتكرها وانا بحضنك وانت ميت على السرير ووشك بيضحك كان نفسى وقتا تلف درعاتك حوليا وتحضنى لكن وقتها كنت انت مت

اتمنالك الرحمة والغفران عند ربنا وتدخل رياض الجنة

بــــــــــــحـــــــــــبـــــــك يــــابــــــــويـــــــــا

زئـيـر الاســـد

لية الناس بتستغرب اوى لما يكون حد مضايق مع ان الحياة اصلا مؤلمة ويلموك ويقلولك دانت الضحكة اللى بتهون عليا متاعبنا لولا كلامك المضحك وقفشاتك كنا موتنا نفسنا ماشى اة اة ضحكتكم وكل حاجة لكن مش معنى انى بضحك كل الوقت انى مش جواى حزن جازى اكون بضحك من جزنى واضحك علية بس بيجى وقت تكون حتى مشقادر تضحك مهو انا بردوا بشر ومن حقى انى ابكى

وعلى رائ صلاح جاهين

يوم قلـت اه ... سـمـعونـى قالوا فـسـد

دة كـان جــدع قلـبـه حـديـد واتحـســد

رديت على اللايمين انا وقلت ......اه

لــو تـعـرفــوا مــعـنـى زئـيـر الاســد

وعجبى ...!!!

الفستان البمبى

على حبل الغسيل
مرمى فستان بنت الجيران
فستان بمبى مليان بالورد
عمال يطير من اليمين للشمال
فى كل حركة لة
بيرمى الورد على الناس اللى فى الشارع
والناس مستغربة الورد دة منين
وانا واقف مستنى وردتى
طيرة اهى فى الهوا وانا مستنيها
نطيت نطة كبيرة
اختهـــــــــــــــــــــــــــــــــــا
وعلى الرف المركون على الحيط
حطيت الوردة ورميت ضحكتى جمبها
هيكون اكتر من كدة اية
وردة من الفستان البمبى لبنت الجيران

نفسى رايحة له

نفسى رايحة له.....
الحب
اة جميل نفسى اعيشوا وانام واصحى على الحانوا واحلم دايما باوهامه
لكن... هل هوموجود بجد ولاكلام واحلام واوهام بنوهمها لنفسنا
تعرف سعات بحس بحلات الحب كلها
بحس سعات ان حبيبى جبلى نجوم السما هدية ملفوفة فى ضى القمر
او عمل حاجة مجنونة خلتنى اسعد وحدة فى الدنيا
وسعات بحس ان حبيبى جرحنى ويوجعنى جرحى اوى
وسعات احس انوا هجرنى ويتعبنى بعدوا عنى
جايز فى يوم اقابل الحب وجايز يفضل حلم وبس
بس كفاية عليا انى احب الحب نفسوا وكفاية انى سعات بحس انى سعيدة

.................

نفسى رايحة له .....
البكى
كتير بحس بالبكى من غيراسباب
جايز انا حزينة بطبيعتى او انى حساسة جدا حساسة اكتر من ورقة شجر
ببكى من كلام ممكن يتحكيلى
ببكى من جملة ممكن اقراها
ابكى حتى من كتر فرحتى
انا مش ضعيفة انا بس بتاثر من جوايا اوى
لكن اكيد بضحك كتير
اصلى انا مش حد تعيس

..............................

نفسى رايحة له ....
الصداقة
اجمل احساس فى الدنيا حب اصحابك ليك
يمكن الدنيا تبعدنا عن بعض
لكن الحب بنا موجود
بتمنى كتير اننا نكون سوا
لكن صحيح الدنيا تلاهى

............................

نفسى رايحة لة
الموت
تجربة مرت عليا اثرت جوايا اوى خلتنى اخاف اكتر من لازم
خلتنى اترمى فى حضنى
وانطوى على نفسى وافكرفى حياتى اكتر
جايز انا سعات بتمناة لكن بخاف منوا
يعنى اية تترمى لوحدك
ولاحد حاسس بيك ولا عندك اى جديد
وناس ترميك فى تربة وتمشى وتسيبك لوحدة
والوحدة تقتلك وتموتك اكتر مانت ميت
رغم انوا جاى لا محالة
ورحلة طلعنها بتذاكر ذهاب بلا عودة
بس ياترى فية الراحة ولا ....

جنون

جنون .........!!
جنون ان اكتب عنك الان
جنون ان اكتب كلمة
فى عاشق يهوى النسيان
جنون .....!!
ان انزلق من فوق سفوحك
من فوق سطور جليدية
بحثا عن كلمة منسية
جنون.....!!
ورغم كل جنونى
كلماتى المغموسة بصداك
تبقى مجرد ذكرى
تحكى فى ليالى شتوية

اول كلامى هنا

انا كان نفسى احكى لحد كلامى حتى لو كان الحد دة انا وكان نفسى حد يسمعنى حتى لو حد دة انا ..... انا عرفة ان صعب حد يوصل للمدونة دى لكنى هتكلم فيها وخلاص جايز فى يوم صوتى يوصل لحد ...... دايما بحس ان عدسة عينى بتشوف الحاجات بطريقتها ممكن تقول عليها طريقة سريالية بحس انى بشوف مشاهد الحياة بزاوية تانية غير طبيعتها ...... مممكن حد ميفهمش كلامى وممكن حد يقول انى مجنونة وجايز حد يحس بكلامى ويفهموا واللى يحسنى اوى اهلا بية معاى فى مدونتى اللى محدش يعرفها حتى انا ........ بقول هلووووووو لاى حد مممكن يجى هنا ولو ان دة اكبر مستحيل ....... وانهى الكلام باحلى سلام