مركبة غرقانة على شط البحيرة
لا المركبة خربانة
ولا البحيرة غريقة
كل الحكاية ....
كان فية حبيب مات فدا لغرامة
مات من كتر حنانة
مات من سكات
كان غاوى سفر وحكايات
وحبيبته ماتت
رغم النفس اللى داخل لصدرها وخارج هموم
كل يوم تعشق حبيبها اكترمن اى يوم
جابت المركبة غرقتها على البحيرة
اللى قدام بلكونتها
لجل تفتكر حبيبها
المركبة هى الحكاية .......
وكل يوم تيجى روح الحبيب
ترقد فى المركبة وتدندن
كان بحار حزين
كان حبيب مسكين
سافر سنين
لكن فى النهاية مات
ومات معاة كل الحكاية
ومات معاة معنى الحياة
ليست هناك تعليقات:
إرسال تعليق